යුක්රේන – රුසියා යුද්ධය අවසන් කිරීමේ උත්සාහයක් ලෙස යුක්රේන ජනාධිපති වොලොඩිමියර් සෙලෙන්ස්කි රුසියානු ජනාධිපති ව්ලැඩිමීර් පුටින් වෙත නිල ලිපියක් යොමු කර ඇති බව වාර්තා වේ.
අදාළ ලිපිය ලැබුණු බව රුසියාව තහවුරු කර ඇති අතර, එය ජනාධිපති පුටින් වෙත ඉදිරිපත් කරන බව ද සඳහන් කර තිබේ.
සෙලෙන්ස්කි ජනාධිපතිවරයා ලිපිය මඟින් අවධාරණය කර ඇත්තේ යුද්ධය අවසන් කිරීම සඳහා බාහිර බලවේගයන්ගේ මැදිහත්වීම බලාපොරොත්තු වීම ප්රමාණවත් නොවන අතර, යුක්රේනය සහ රුසියාව අතර සෘජු සංවාදයක් අවශ්ය බවයි.
ඒ අනුව දෙරටේ නායකයන් අතර මුහුණට මුහුණ සාකච්ඡාවක් පැවැත්වීමට ඔහු යෝජනා කර ඇති අතර, එය ස්විට්සර්ලන්තය හෝ තුර්කිය වැනි මධ්යස්ථ රටකදී සංවිධානය කළ හැකි බව ද දැනුම් දී ඇත.
මේ අතර, එවැනි හමුවක් පැවැත්වීම යුද්ධය අවසන් කිරීමේ ධනාත්මක පියවරක් වනු ඇති බව අමෙරිකානු ජනාධිපති ඩොනල්ඩ් ට්රම්ප් ද ප්රකාශ කර තිබේ.
කෙසේ වෙතත්, රුසියාව යුද්ධය අවසන් කිරීම සඳහා යුක්රේන හමුදා ඩොනෙට්ස්ක්, ලුහාන්ස්ක්, කෙර්සන් සහ සපොරිෂියා කලාපවලින් ඉවත් විය යුතු බවත්, යුක්රේනය උතුරු අත්ලාන්තික් ගිවිසුම් සංවිධානයට එක්වීමේ උත්සාහය අත්හැරිය යුතු බවත් යෝජනා කර ඇත.
එහෙත් යුක්රේනය තම භූමිය අත්හැරීම ප්රතික්ෂේප කර ඇති අතර, එම කරුණු සම්බන්ධයෙන් දෙපාර්ශ්වය අතර තවදුරටත් මතභේද පවතින බව වාර්තා වේ.
